الحمد لله ياجماعة العملية تمت بنجاح
اندفعت اليه بطة وبصوت لا يعبر سوي عن القلق الشديد
بجد يادكتور حضرتك بتتكلم جد حقيقي العملية نجحت وحنان بقت بخير يعني ممكن نشوفها دلوقتي ممكن ندخل لها
دكتور نادر بارهاق
لالا طبعا مش ممكن هي في غيبوبة دلوقتي ومش هتفوق منها غير بعد 24 ساعة
طيب ابص عليها بصة واحدة يادكتور بصة واحدة بس والله ومن بعيد
ماشي من ورا الازاز وبسرعة
زاد بكاء بطة عندما طل وجه أختها الملائكي الشاحب عليها من خلف زجاج غرفة العناية المركزة ومن أعماق قلبها تعالت صرخات وصرخات راجية من الخالق العظيم أن يعيد لها أختها بقلب بلا أسقام حتي فوجئت بطة بيد دكتور نادر تلمس كتفها
بطة
نعم يادكتور؟
يالا عشان تروحي
أروح ؟أنت بتقول ايه يادكتور مش ممكن طبعا أنا مش هسيب حنان لحظة واحدة
هي هتكون كويسة الصبح
أنا جنبها لغاية الصبح
طيب أنا مروح والصبح بدري هكون عندها
اتفضل يادكتور وحقيقي أنا مش عارفة أشكرك ازاي لولا وقفة حضرتك معايا حنان عمرها ماكانت هتعمل العملية أبداا
ولايهمك احنا معملناش غير الواجب عن اذنك
اتفضل يادكتور
وذهبت بطة لوالدها الذي حضر الي المستشفي متأخرا وطمئنته علي حنان وطلبت منه أن يصطحب معه والدتها وجدتها الي المنزل فبحزن استجاب ورحلوا جلست بطة علي مقعد أمام العناية المركزة وأغمضت عينيها وابتسامة محبة علي وجهها انتشرت لتعبر عن مايجول به خاطرها
تخيلتها وهي تجري وهي تضحك تخيلتها وهي تبكي تخيلتها أما حنونة وزوجة جميلة تذكرت وعدها لها بعد الشفاء برحلة جميلة لمدينة الملاهي التي لم تذهب اليها يوما وكثيرا ماكانت تري اعلانات عن الالعاب في التلفزيون فتبتسم وتقول
ياتري هشوفها في يوم يابطةوأركبها والعب فيها
تذكرت اجابتها عليها
طبعا ياحنونة لو القمر ماركبهاش مين هيركبها؟
وأخذت بطة تتذكر وتأمل في حياة جديدة لوحيدتها وفجأة انطلقت صفارة عالية أخرجت بطة من أحلامها ففتحت عيناها لتجد أمامها الممرضة المسئولة عن العناية تصرخ وتصرخ
بلوعة لا توصف
في ايه يا ألفت انطقي أختي جرالها حاجة؟
مش عارفة يابطة اندهي لدكتور النبطشي بسرعة
برعب هتفت بطة
ليه في ايه؟
مش عارفة بس نبضات القلب انخفضت بمعدل غير طبيعي
بطة برعب حقيقي
استر يارب استر
وهرولت تبحث عن الدكتور النبطشي دكتور علاء التي لم يفهم من صرخات بطة شيء ولكنه أدرك من دموعها المنهمرة أنها تستنجد وتستغيث به فلم يتأخر وأسرع معها الي غرفة حنان
هتفت بطة وبلا تحكم في نفسها
خير يادكتور في ايه؟
أرجوك طمني أختي مالها فيها ايه
اهدي يابنتي هي أختك عملت عمليةفي جنبها النهاردة؟
نقل كلية أو تفتيت حصاوي؟
بذهول
عملية ايه يادكتور انت بتقول ايه؟
يابنتي في جرح موجود في الجنب عند الكلية اليمين
كلية ايه يادكتور أختي عملت عملية قلب مفتوح كلية ايه بس يادكتور أرجوك بلاش تقلقني أنا هتصل بدكتور نادرالي عملها العملية يجي يشوفها
يابطة صدقيني في جرح في الجنب اهو وفتح كمان ونبضات القلب ضعيفة جدااا
هزت رأسها بعنف
أنا هتصل بدكتور نادر حالا وانطلقت صفارة قبل أن تصل بطة لباب الغرفة تعلم بطة معناها جيدا بحكم وظيفتها ولطالما خفق قلبها كلما سمعتها بعنف لكن هذه المرة كاد أن يتوقف صفارة تنعي حياة أقرب الناس اليها رحيلهم التفتت بطة لحنان وبكل لوع الدنيا صرخت
لالالالالالالالالالالالالالالالالالالا
حنــــــــــــــــــــــــــــان
لالالالالالالالالالالالالالالالالالالالالالالالالالا
حاول دكتور علاء تهدئتها
اهدي يابطة بحاول
وتعالت ضربات سريعة للقلب سريعة سريعة ثم انتهي كل شيء وعم الصمت المكان لحظة
وتحول وجه بطة للوح من الثلج وكأنها صنم بلا قطرة دم واحدة
حنااااااااااااااااااااااااااان
حنااااااااااااااااااااااااان
لالالالالالالالالالالالالالالالالالالالالالالالالا
لالالالالالالالالالالالالالا
حنااااااااااااااااااان
وارتمت عليها
حنان ماتسبنيش ياحنان لالالالالالالالالالا حنان ردي عليا حناااااااااااااان مش بتردي ليه
حنااااااااااااااااااااااااان حنان مش بترد يادكتور مش بترد
أخذت تهز في جسد أختها بعنف
حنااااااااااااااااااااااااااااااااااااااااااان
حنااااااااااااااااااااااااااااااااااااان
أنا بطة ياحناااااااااااان
أختك حبيبتك ردي عليا ردي عليا
ولم تحتمل بطة الصدمة فسقطت وغابت عن العالم كله وأبار بلا قرار وصرخات مدوية وابتسامات مبهجة ودموع وضحكات
و
حناااااااااان
حنااااااااااااااااااان
حنااااااااااااااااااااااااااااان
هبت بطة من فراشها فزعة فاندفعت أرجل تجري اليها واستطاعت تمييز صوت حزين
بطة الحمد لله انك فوقتي يابنتي
بضعف وبصوت مرتجف
حنان فين ياماما حنان فين؟
وانتفضت من سريرها وانطلقت خارج الغرفة وفي كل الغرف أخذت تبحث وتنادي ولكن بلا فائدة فلم تري سوي ملابسها معلقة في دولابها
حنان فين ياماما ردي عليا
بدموع مختلطة مع الكلمات
ارادة ربناارادة ربنا يابنتي
لالالالالالالالالالالالا ماتقوليش كدة لالالالالالالالا حنان ماماتتش حنان عايشة حنان بتحلم حنان هتكون عروسة هلبسها الطرحة بايدي
حناااااااااااااااااااااان حنان
بدموع لا تجف
يابنتي حنان طول عمرها مريضة ودي ارادة ربنا
لالالالالالالا أنا الي قتلتها ياماما أنا أنا المجرمة أنا الي لازم أموت أنا أنا الي سلمتها بايدي للمجرمين الي قالولي هنخففها هنعالجها أتاريهم بيموتوها بيدبحوها بيسرقوها
هتفت أمها وألام الدنيا تعتصر قلبها اعتصارا
اهدي يابطة حرام عليكي بلاش تظلمي الناس اللي ساعدونا ووقفوا جنبنا اهدي ياحبيبتي مش عاوزة أخسركم انتم الاتنين
بطة دون أن تعي ماتقول
عاوزة أشوفها ياماما أرجوكي عاوزة أشوفها عاوزة أأقولها تسامحني عاوزةأأقولها تسامحني ياماما أنا كنت حاسة كنت حاسة ان فيه حاجة غريبة بتحصل وحاولت حاولت أبعدها حاولت لكن ماقدرتش ماقدرتش ياماما ماقدرتش ماقدرتش ماقدرتش
بس أنا مش هسكت أنا لازم أخدلها حقها لازم أنتقم لها من الي قتلوا أحلامها من الي سرقوها ودبحوها
بصرخة لوعة وألم
رايحة فين يابنتي حرام عليكي رايحة فين؟
واندفعت بطة لباب الشارع ودون أن تشعر أو تحس وجدت نفسها أمام غرفته وبعنف فتحت الباب ودخلت
عملت ايه في اختي يادكتور قتلتها ليه ليه هي عملت فيك ايه حرام عليك عملتلك ايه ها
بغضب شديد ايه يابنتي التخاريف الي بتقوليها ديه انتي اتجننتي ولا ايه؟
لالالا أنا بعقلي وعرفت كل حاجة عرفت الحقيقة عرفت حقيقتك وهفضحك هسجنك هعرف الناس كلها حقيقتك البشعة هصرخ واقول انك قاتل قاتل قاتل حرامي قتلت أختي وسرقت كليتها
لالالالالالالالا الظاهر ان الصدمة أثرت عليكي ومحتاجة تروحي سراية المجانين
كلية أختي فين بعتها بكام دم أختي وحياتها مكانتش كفاية ياقلبك ياأخي تسرق كلية مريضة بالقلب قلبك ده ايه حجر زلط طوب أنت مش ممكن تكون انسان انت وحش كلكم وحوش كلكم وحوش انت
أصاب دكتور نادر الذهول وهتف
مين قالك الكلام ده؟
الي قال قال المهم انا مش هسيبك هبلغ النيابة وهوديك ورا الشمس مش هيهدالي بال الا لما أطهر الدنيا منك ومن أمثالك
بابتسامة ساخرة
اعلي مافي خيلك اركبيه ولو قدرتي تثبتي حاجة ابقي قابليني اختك اساسا كدة كدة كانت ميتة ومكانش ينفع لها عمليات
هجمت عليه بطة وحاولت خنقه بيديها وهي تصرخ
طب كنت سيبها تعيش ايامها زي ماهي مش تسرق منها كليتها قتلت احلامها ياظالم ياكافر كنت سيبها تعيش كنت سيبها ليه لييييييه
لالالالا انتي زوديتها قوي أنا لازم أطلب لك الأمن فور
واستطاع أن يضغط علي مفتاح النجدة الذين سرعان ماهبوا لنجدته
ولم يمضي الكثير الا وكانت بطة تسير في الشوارع تحادث نفسها
أنا الي قتلتها
أنا الي قتلت أختي بايدي
عارف يا أستاذ أنا الي قتلت حنان
ياحنان انتي فين ياحنان حنااااااااان حناااااااااااااان
اقتربت من طفل صغير يده في يد أمه وهمست له
هي هتسامحني صح قولي ياحبيبي حنان هتسامحني مش كده؟
قولي هتسامحني ها هتسامحني
وأخذت تهز في الطفل بعنف فجذبته أمه بخوف بعيدا عنها ظنا منها أنها أمام فتاة مجنونة
وبقيت بطة بلاهدف وبلا هوية سوي أن أقدامها قادتها الي غرفتها التي حبست نفسها فيها وانعزلت عن العالم
أمنت أنها ضعيفة سلمت أنها بلا سند أيقنت أنها السبب تراءت لها صورة أختها ووجهها البريء تذكرت أحلامها لكن لالالالالا لن يهنأ السارق بسرقته ولن يهنأ الجناة بجريمتهم ولن تطيب لها نفس ولن يغمض لها جفن الابعد أن تنتقم
صباح الخير يادكتور علاء
صباح النور يابطة
البقاء لله
مفيش عزا دلوقتي يادكتور حضرتك فاكر قبل الوفاة باليل انت قلتلي ان حنان اتعمل لها عملية نقل كلية مش كده؟
بربكة غريبة
أنا لالا مش فاكر خالص
بعنف وغضب صرخت فيه
ازاي يادكتور ساعة ما الجهاز صفر وأنا جريت عليك وقلتلي في جرح في الجنب
دكتور علاء هتف وعينيه في الأرض
ماحصلش يابطة
صرخت بهستريا
دفعولك كام يادكتور؟ أنت كمان اشتروا ضميرك بكام؟
هددوك بايه؟
عشان تتخلي عن شهادة الحق
عشان تخرس بعت نفسك ليهم يادكتور بكااااااام؟
ليـــــــــــــه ليــــــــــــــه
لو أختك أو بنتك كان ده هيكون موقفك؟
ولا عشان احنا غلابة مالناش تمن؟
منك لله منكم لله كلكم منكم لله
مش هسيبكم حق أختي أنا الي هاخده
كلكم وحوش وحوووووش وحووووووش
مشاعر غضب سيطرت عليها رغبة عارمة في الانتقام أخذت تنمو بداخلها وتنمو وعلي أقرب قسم شرطة خطت أقدامها وعلي أقرب مقعد جلست وفتح المحضر وتحدثت وحكت واتهمت دكتور نادر ودكتور التحاليل معتز وصدر أمر استدعاء دكتور علاء الشاهد الوحيد ليلة الحادث الذي أكد لها ليلة الحادث حدوث عملية نقل كلية ولكن انكاره استمر في النيابة ولم تجد المحكمة أمامها سوي استخراج جثة حنان لتشريحها عارضت بطة وبشدة لم تحتمل خروج جثة أختها والعبث وصعقت حينما وجدت أوراق مقدمة من دكتور نادر يثبت فيها أنه بالفعل أجري عملية نقل كلية لأختها حنان بناءا علي رغبتها كمتبرعة لرجل الأعمال المعروف عبد الفتاح نصير وظهر امضاء حنان علي الورق واضحا وتسلمها لمبلغ 20 ألف جنيه مقابل تبرعها
أين أنا ؟وما هذا الذي أسمع وأري أكوابيس أمر بها أم أنها حقائق مرعبة مافيا نعم مافيا مافيا لمواجهة الضعفاء لمص دماء الفقراء الذين لاسند لهم ولاظهر استباحوا حتي أعضائنا لا بل أعضاء مرضانا بلا رحمة ولاشفقة بلا أي اعتبار وبلا قانون يحمينا وبلا دفاع يقف معنا ولكن لا أنا القانون أنا الذي سأطبق العدل وبلا قيود بلا أوراق تثبت وبلا أمضاءات تنفي كلهم وحوش نعم كل من ارتدي زي الملائكة وحش كاسر رجعت بالذاكرة للوراء وتتابعت المشاهد حسن ينزف وبلا مجيب صرخات أم حسن وندائها المجنون علي وحيدها تذكرت أطفال الحضانة والحرائق وبلا جاني ليدفع الثمن توقفت عند مشهد مريضة الكبد التي أمالها كلها توقفت عند حقنة ضاعت منها بأيدي المحسوبية والوسايط والمنافع تذكرت ضحكة دكتور معتز وهو يخبر دكتور علاء بفخر عن انه مجهز له الحقن تذكرت الخبط تذكرت أمن المستشفي صرخات المرضي وتوقفت عند صوت جهاز القلب الذي أعلن بصمته عن رحيل أغلي الناس ومعها رحلت روحها البريئة وبقيت أشلاء مجروحة تبحث عن الجاني ليدفع الثمن
وظلت ترددها بلاكلل أو ملل كلهم سيدفعون الثمن الوحوش لابد وأن تموت لابد وأن تتطهر الأرض من أمثالهم من كل طبيب من كل وحش يسرق ويقتل لفت نظرها وهي في الطريق اعلان توقفت أمامه اعلان عن مؤتمر طبي ضخم يضم كبار الاطباء العالميين استضافته القاهرة الوحوش انهم الوحوش تبلورت الفكرة وترسخت ستخلص العالم من العتاة المجرمين الذين يظهرون أمام الجميع بصورة ملائكة الرحمة وبقلوب خضراء الا أن الحقيقة التي تختفي وراء أقنعتهم الخادعة حقيقة قلوبهم السوداء وضمائرهم الغاشمة صور لها خيالها أنهم كلهم سواء لافرق بينهم أرسلتهم جميعا الي الغابة ووضعتهم في قفص الأسود المتوحشة التي لا تتغذي سوي علي اللحم حيا وبلا رحمة فقررت الخلاص والقضاء علي وحوش الغابة لعل الغابة تهنأ
وجاء اليوم وبدأت الاستعدادات للمؤتمر أكثر من ألف طبيب من شتي أنحاء العالم توجهت بطة في الصباح الي مقر المؤتمر وهي ترتدي ملابس عاملة نظافة استطاعت بعد عناء الدخول وبعد أن أظهرت أنها تعمل في مستشفي حكومي سمحوا لها بالدخول وأكدت أنها تحمل جراكن مساحيق للنظافة وعلي أقرب دورة مياة وضعت مامعها في مكان أمن وبدأ المؤتمر وبملابس أخري ظهرت وبنضارة تخفي عيونها الملتهبة جلست وحان الوقت وقت الحرية وقت التطهير انتفضت من مقعدها واتجهت لدورة المياه وحملت الجراكن وبحركة مفاجاة صرخت صرخة أفزعت الجميع
لازم تموتوا كلكم لازم الدنيا تبقي من غير وحوش
حنـــــــــااااااااااااااان باخد حقك ياحنــــــــــاااااااان باخده
أم حسن افرحــــــــي حسن دمه مارحش هـــــدر
وقبل أن يفوق أحد من أثر المفاجأة كانت جراكن البنزين قد سالت علي الأرض وكانت أعواد الكبريت المشتعلة قد التهمت البنزين و كانت الحرائق قد شبت في المكان وانطفئت في قلب بطة كانت صرخاتهم تضحكها الامهم تخفف من ألامها بكائهم وعويلهم كأنها أنغام موسيقي عذبة في أذانها وانطلقت صفارات الانذار وتم السيطرة علي الحريق بعد أن سقط ضحايا وضحايا وتناثرت الاقاويل وخرجت شعارات الارهاب لترعب الحكومة وانتظر الجميع بيان الداخلية التي أعلن أن
الجاني مختل عقليا
تمت
بقلم
فاطمة الطرابيلي